Հեռավար աշխատանքային նախագիծ
Նպատակը՝
- դիտարկելու, վերլուծելու կարողության զարգացում
- Բնագիտական փորձի հիման վրա բնագիտության մասին տեղեկությունների հաղորդում
- Պարզագույն փորձերի կազմակերպում և իրականացում
- Երևույթներին հետևելու, հետևություններ անելու հմտությունների ձևավորում
Խնդիրները`
Փորձերի ընթացքն ու արդյունքները գրանցելու կարողություն ձևավորել
Հարցեր ձևակերպել, առաջադրել և դրանց պատասխանները գտնել
Ճանաչել կարևոր տեղեկություններ, բացատրել տվյալները սեփական բառերով
Ձևավորել փորձերի ժամանակ անվտանգության պահպանման կանոնների կարողություն
Դատողություն անել տեղեկությունների մասին
Դիտարկումների հիման վրա կատարել եզրակացություններ
Ընթացքը՝
Փորձ 1
Անհրաժեշտ է ՝թաս, մատիտներ,ջուր,տոպրակ։
Փորձի նկարագրություն.
Տոպրակը հարմարեցնում ենք թասի վրա այնպես, որ կարողանանք տոպրակի մեջ ջուր լցնել: Ջուրը լցնելուց հետո, տոպրակը կապում ենք, որ ջուրը չթափվի: Ջրով լի տոպրակը պահելով թասի մեջ, սկսում ենք տոպրակի մեջ մտցնել մատիտներ: Արդյունքում տոպրակը չի պատռվում և ջուրը չի թափվում։
Փորձ 2
Աղը, պղպեղը և փուչիկը
Անհրաժեշտ է՝ աղ,պղպեղ,փուչիկ
Փորձի նկարագրություն.
Թղթի վրա լցնենք աղ և պղպեղը/սև կամ կարմիր/:Աղն ու պղպեղը լավ խառնենք:Վերցնենք մի հատ փուչիկ ու փչենք:Փչած փուչիկը քսենք բրդյա շորին:Հետո այն մոտեցնենք աղ ու պղպեղի խառնուրդին:Ինչ կտեսնենք:Պղպեղը կկպնի փուչիկին, իսկ աղը կմնա իր տեղում:
Փորձ 3
Ձուն լողալ է սովորում
Անհրաժեշտ է — հում 2ձու, 2 ջրով բաժակ, մի քանի ճաշի գդալ աղ:
1. Հում ձուն գցում ենք ջրով լցված բաժակի մեջ — կտեսնեք, որ ձուն կիջնի բաժակի հատակը:
2. Ձուն հանում ենք բաժակի մեջից, բաժակի մեջ լուծում ենք մի քանի գդալ աղ:
3.Ձուն նորից գցում ենք բաժակի մեջ: Ձուն կլողա վերևում:
Փորձեք էլի աղ ավելացնել և նկարագրեք …. ամեն գդալ աղ ավելացնելուց հետո որտեղ է լողում ձուն:
Փորձ 4
Գույնզգույն ծաղիկները
Անհրաժեշտ է՝ սպիտակ մեխակներ, սննդային ներկանյութ, ջրով լի բաժակ։
Փորձի նկարագրություն.
Բաժակի մեջ ջուր ենք լցնում, ավելացնում ենք ներկանյութը, խառնում ենք: Այնուհետև ներկված ջրով լի բաժակի մեջ դնում ենք սպիտակ մեխակը ու հետևում: Մի քանի ժամ հետո դիտարկում ենք,թե ինչ փոփոխություններ են տեղի ունեցել:
Փորձ 5
Ցատկող ձուն
Անհրաժեշտ է ` ձու, ջուր, քացախ, թաս:
Փորձի նկարագրություն.
1.Հում ձուն դնենք ջրով լի բաժակի մեջ և թողնենք մի քանի ժամ:
2. Մի ուրիշ հում ձու դնենք քացախով լի բաժակի մեջ և նույնպես թողնենք մի քանի ժամ:
4. Հետո նայենք , տեսնենք , թե ինչ տեղի կունենա: Կտեսնենք , որ ջրում գտնվող ձվի հետ ոչինչ չի պատահել:Իսկ այն ձուն ,որը գտնվել էր քացախաջրում փոխվել էր` նրա կճեպը փափկել է :Այդ ձվի կճեպը , եթե շոշափես , կհիշեցնի ռեզինե գնդակի:
Մեկ ուրիշ տարբերակ
Հանիր ձուն քացախից , պահիր թասի վրա որոշ բարձրության վրա :
Ձուն բաց թող: Կարծում ես այն կջարդվի: Փորձիր և կտեսնես , որ այն«վեր կցատկի», չի ջարդվի : Քացախի մեջ գտնվող ձվի կճեպը ենթարկվում է զանազան փոփոխությունների, սկզբից փափկում է , իսկ հետո ասես անհետանում է :
Կազմում ենք հարցեր՝
- ի՞նչ տեսար, ինչ նկատեցիր (սովորողը նշում է իր դիտարկումները, մեկնաբանությունները)։
- ինչպե՞ս ստացվեց (սովորողը սեփական բառերով փորձում է ինքնուրույն պատմել, թե ինչից ինչ եղավ, ինչու այդպես ստացվեց, անում է սեփական դատողություններ)։
- ի՞նչն էր հետաքրքիր փորձի ընթացքում( մասնակիցներից յուրաքանչյուրը նշում է իր կարծիքը):
Սովորողները տեսաֆիլմի կամ ձայնագրության միջոցով պատմում են բնագիտական փորձերի մասին։Հոլովակն ուղարկել ուսուցչի էլեկտրոնային հասցեին՝ manukyanm@mskh.am։
Աբովյան Դավիթը կատարում է բնագիտական փորձ